Godina 70-vjeçare e Kryeministrisë: e prishi koha, apo ata që e përdorën?

P { margin-bottom: 0.08in; }

Godina e Kryeministrisë do të rikthehet në gjendjen e vitit 1940-41, kur dhe u ndërtua për të qenë “Pallati i Mëkëmbësisë”, sipas projektit (të 1939-s) të arkitektit fashist Gherardo Bosio, tashmë në duart e rikonstruktorëve, në atë që Baze e quan në një editorial të vetin si luftë estetike e qeverisë së re ndaj asaj që iku.

Artan Lame për GSH, ka thënë sot se “godina është në gjendje tmerrësisht kritike... “Dyshemeja është prerë me gur fresibël për të hapur kanale sipas nevojave që kanë pasur. Mbase ne nuk gjetëm plehra në godinë, por më duhet të them se ajo është në limitet e mbijetesës dhe degradimit...”

Ka një dëshirë për t'i parë ata që ikën edhe si barbarë që prishin godina, imazh që përkon dhe me gropën ekonomike e industriale që lanë pas. Vetë Lame, nuk përjashton dhe argumentin se një godinë betoni 70-vjeçare, me kohën, dëmtohet.

Debati nëse e prishën ata që e përdorën apo e prishi koha, duket se nuk do të ketë një përgjigje përfundimtare ndonjëherë.

k.c.

foto: heqja e perdeve nga Godina e Kryeministrisë