Rama, i ftuar në dasmën e Xhorxh Sorosit, thotë Reuters

Martesa e tretë e multimiliarderit, filantropit apo spekulatorit të famshëm të financave botërore (terma që varen nga këndvështrimi i secilit), Xhorxh Soros, 83- vjeçar, u njoftua në rrjetet ndërkombëtare para pak ditësh. Surpriza qëndron në faktin se i ftuar në këtë dasmë të vogël është edhe kryeministri shqiptar Edi Rama, që mesa duket kishte edhe këtë pjesë “private” të axhendës së tij amerikane. Reuters njofton se në martesën me këshilltaren e tij të çështjeve të shëndetit dhe edukimit, Tamiko Bolton, 42 vjeçe, vec Ramës janë të ftuar edhe emra si presidenti i Bankës Botërore, Jim Yong Kim, presidenti i Estonisë, presidentja e Liberisë dhe liderë të tjerë. Soros, një emigran- i lindur në Hungari, ka dhuruar më shumë se 7 miliard dollarë nga pasuria e tij për të promovuar demokracinë, lirinë e shprehjes, përmirësuar arsimin dhe për të luftuar varfërinë në vende të ndryshme të botës, me fokus të veçantë në demokracitë e reja të Europës Lindore.

a.k