Televizioni Shqiptar, televizion i atyre që paguajnë taksën për të apo, thjesht, do të ndërrojë dorë!?

Në esencë këtë pyetje ka dashur të sqarojë ministri i Bushati në konferencën e OSBE-së për median. Ai tha se qeveria e re do të ndërmarrë reforma të thella në këtë fushë, për ta kthyer Televizionin Shqiptar në një institucion të denjë të taksapaguesve. “Na duhet ta çlirojmë AMA-n nga kontrolli politik që t’u afrojmë të gjithë transmetuesve, barazi. Po ashtu, kemi ndaluar përdorimin e fondeve shtetërore nga ministrat për reklama dhe kjo shprehet fare mirë edhe në kodin etik të miratuar nga qeveria. Ne jemi të angazhuar për t’i dhënë fund praktikave klienteliste të ndjekura deri më tani për shpërndarjen e reklamave shtetërore, por do të angazhohemi tek procedurat transparente sipas standardeve europiane”, u shpreh Bushati.

I mbetet kohës për të provuar nëse TVSH do të bëhet vërtet “pronë” e atyre që paguajnë taksën për të, dmth, i publikut të gjerë, apo si dhe më parë, do të kthehet në një megafon i qeverisë!...

Zh.