Meta heq kompjuterët e Topallit nga salla e Kuvendit. Po tenderi?

Nuk e patën jetën e gjatë kompjuterët e instaluar me urgjencë para vendit të çdo deputeti në parlamentin shqiptar, nga ish kryetarja Topalli. Kjo “risi” që sipas Topallit e kishte origjinën në një tender të zhvilluar qysh dhjetorin e kaluar, u komentua shumë, dhe gjithnjë për keq: Si nga çmimi skandaloz i një kompjuteri të zakonshëm për nga marka dhe kapaciteti (130 mijë lekë të reja secili), ashtu dhe nga ana estetike që e shndërronte sallën e Kuvendit në internet-kafe, e që ja zinte pamjen deputetit. Pa lënë mënjanë inefiçencën e tyre në veprimtarinë e ligjvënësve. Gazeta Shqip raporton se këto pajisje do të hiqen shumë shpejt dhe do t’u dhurohen shkollave; një vendim ky marrë nga kreu i ri Ilir Meta, sipas burimeve brenda mazhorancës. Deri këtu mirë; por duke pasur parasysh çmimet, tregun dhe cilësinë e PC-ve, çka i di përmendësh çdo shkollar që mund ta pyesësh rrugës, ky tender kompjuterësh nuk ishte thjesht i panevojshëm, por edhe i dyshimtë. A do të hetohet?

a.k