Edi Rama ka uruar ditën e parë të shkollës në... FB!

Edi Rama gjendet në Bruksel për të zhvilluar takimet e para si Kryeministër, dhe kjo vizitë sigurisht nuk ia ka mundësuar të jetë i pranishëm në ditën e parë të shkollës, ndaj, me sa duket ka zgjedhur Facebook-un për t’i përshëndetur.  Ai ka nxjerrë një foto të vetën me lule në dorë në moshën fillore (shoqëruar nga e ëma ose nga gjyshja) dhe e ka shoqëruar me urimin: ““Vit të mbarë shkollor nga një ish-nxënës.”

Mediat nxituan ta publikojnë, por, ndoshta, duhet që Rama të shmanget nga praktikat e para-ardhësit që ndoshta mendoi se duke zënë “friends”-a e “fans”-a në Facebook do të mund të ishte më pranë tyre.

Aq më tepër, kur, ka shumë mundësi që urimin të mos e ketë lexuar asnjë fëmijë, dhe, edhe sikur ta ketë lexuar, ai fëmijë duhet inkurajuar që t’i ikë Facebook-ut e t’i kthehet jetës normale. Koha kur çdo mjet vlente për të krijuar votues iku, dhe tani Facebook-ët e ministrave edhe mud të mbyllen.

Fëmijët duhet ta ndjejnë kujdesin e Kryeministrit jo në Facebook, por kur hallet e tyre të shumta shkollore do të lehtësohen ca dhe kur të mos bëjnë më mësim me turne si në kohërat e fotos më sipër.

k.c.