Parlamentologji: ish-Ministri i Brendshëm ul nivelin e debatit në akuza banale mbi shëndetin

Siç edhe pritej, debati mbi programin (që mund të kishte qenë një moment për të nisur opozitën serioze) ka degjeneruar gjithnjë e më shumë në përmbajtje, për të arritur një kulm me fjalën e ish-Ministrit të Brendshëm. Flamur Noka ka akuzuar Ramën se po poshtëron shqiptarët me emërimin e Saimir Tahirit në postin që mbahej pikërisht nga ai. Sipas Flamurit, Tahiri është një gjysmak dhe hajdut kasetofonash.

 “Zoti Rama i shndërrove nga ministra në drejtorë Bashkie, pasi je i bindur se do ju shërbejnë ju dhe klientelës tëndë. Qytetarët kanë nevojë për projekte konkrete zhvillimi dhe integrimi. Ju i servirni shqiptarëve një ministër të Brendshëm një njeri të sëmurë, dhe që ka qenë kontigjent për hajdut kasetofonash dhe i cili shëtiste ne fushatë me banda si mundet të jetë ministër, kur babai i tij u kap për kontrabandë ilaçesh dhe evazion fiskal. Ky është një poshtërim që i bëhet policisë së shtetit dhe shqiptarëve”, tha Flamuri.

Në kundër-replikë, Tahiri u përgjigj se: “...përpiqem ta kuptoj shqetësimin e parafolësit për familjen time dhe shëndetin tim, fundja është i vetmi që ka studiuar më shumë për shëndetësi në këtë parlament. Dua të besoj se parafolësi donte te shprehte shqetësimin e tij në kuadrin e shqetësimeve që mendja e tij ka në tërësi. Unë jam shumë mirë me shëndet faleminderit”

k.c.