Ne jemi një popull që flemë, pa nerv. Ndryshimi? Kur të dëgjojmë lajme si ato në Kroaci, - thotë Agron Llakaj

A ndikon humori që të rrisë ndjeshmërinë sociale? Psh, t’i bëjë njerëzit që të ngrihen ndaj një padrejtësie? - e pyet gazetarja Entela Resuli e Ditës aktorin e njohur të humori Agron Llakaj. Dhe Llakaj përgjigjet: "Për fat të keq, jo dhe këtë e ka treguar koha. Vetëm pak ditë më parë ishte rasti i karburantit ku njerëzve në çdo dhjetë mijë lekë karburant u vidhej një mijë lekë. Dëgjuat të ngrihej ndonjëri nga ata që marrin naftë dhe benzinë? Askush! Ne jemi një popull që flemë, pa nerv. Po thirri partia, në shesh i ke...Tranzicioni mua më kapi 30-vjeçar. Unë nuk mund të mohoj ndryshimet që janë bërë, por unë do të thoja që, sa më pak turmë dhe sa më shumë qytetarë, aq më shpejt vendi ynë zhvillohet. Nëse ne do ishim më qytetarë edhe politika që drejton do ta kishte shumë të vështirë të sillej me Shqipërinë si mall për pazar..."

Më tej përmend modelin kroat të ndëshkimit, ku u arrestua kryeministri Sanader: "...Ndryshimi do të fillojë kur dikush duhet të përgjigjet për abuzimet e vjedhjet dhe jo kur të fillojnë këta që erdhën në pushtet të shkruajnë emrin te milioneret e rinj. Kur të dëgjojmë lajme si ajo që ndodhi në Kroaci, atëherë do të na rritet besimi se Shqipëria po ndryshon" a.n.

http://gazetadita.al/berisha-im-nuk-del-ne-pension-ne-politi...