Partia separatiste dhe e lidhur me neonazistët e Agimit të Artë, MEGA, në qeverinë Rama me 1 zv/ministër??

Është bërë e udhës që kur duam lajme për partitë e minoritetit grek, të presim të na i thonë mediat greke. Balkanweb citon disa burime mediatike të vendit fqinj, sipas të cilit, 2 në 3 zëvendësministra do t’i takojnë, njëri PBDNJ-së dhe njëri partisë së minoritetit MEGA. Ndërsa 4 ndër 5 drejtorë të përgjithshëm, do të rekomandohen dy nga PBDNJ dhe dy nga MEGA. Përmendet gjithashtu edhe ndryshime gjithëpërfshirëse në arsim dhe polici, në zonat e Shqipërisë së Jugut.

Ne mund t’i marrim me rezervë këto lajme, por, nëse janë të vërteta, paraqesin një problem të madh moral për qeverinë Rama. Jo vetëm ngaqë Partia e Minoritetit grek për Ardhmërinë, MEGA (pastërtisht etnike, do s’do Kushtetuta) e drejtuar nga Kristo Kino, ka qenë e rreshtuar me z. Berisha, deri në zgjedhjet e fundit të 2013. Por, problemi i dytë moral është që MEGA është e vetmja parti e minoritetit grek ne Shqipëri që ka lidhje të ngushta me partinë neonaziste “Agimi i Artë” në Greqi. Në mbledhjet e kësaj partie në Greqi (!) marrin pjesë dhe neonazistët e Agimit të Artë dhe flitet hapur për pavarësi të Vorioepirit apo për riaktivizimin e Protokollit të Korfuzit (faktuar me shumë foto dhe video)

Në vitin 2012 në përvjetorin e shpalljes së Autonomisë së Vorio Epirit, përfaqësues të partisë MEGA përkujtuan dhe nderuan Thimios Loli, nje adart i cili ka luftuar për shpalljen e "Autonomisë së Shqipërisë së Jugut" më 1914.

Nuk dihet nëse 1 milion votuesit që sollën në pushtet Ramën kanë votuar të qeverisen nga kjo parti separatiste, por morali politik e kërkon të hidhet dritë mbi këto lajme.

k.c.