E akuzuar nga Berisha si “kushërira” e Ramës, Ministrja Harito rrëfen: jemi kushërinj të 6 ose 7

P { margin-bottom: 0.08in; }

Milena Harito, Ministre për Inovacionin dhe Administratën Publike, e akuzuar nga Kryeministri Berisha se është në atë post si kushërira e Edi Ramës, flet në një intervistë për Panoramën.

“Zotin Rama e kam fis të largët, të gjashtë ose të shtatë. Madje, në këtë nivel, besoj se askush nuk i njeh më kushërinjtë. Por, nga ana e fisit të nënës sime, dikush ka qenë i pasionuar pas gjenealogjisë dhe e ka ndjekur e krijuar pemën e familjes deri në vitin 1560,” rrëfen Harito për gazetarin Aristir Lumezi.

Në intervistë bëhet dhe një biografi profesionale e saj, që nis si një maturante e shkëlqyer (me “Medalje të artë”) që zgjodhi degën e re të Informatikës në atë kohë, e deri në Francë, ku pas studimeve të plota dhe doktoraturës, punoi si menaxhere në kompaninë e njohur në Europë, “Orange” (kompani me një xhiro vjetore rreth 50 miliardë euro, mbi dyfishin e PBB së Shqipërisë).

Lidhur me Kryeministrin në ikje, ajo shprehet se “pas së ashtuquajturës dorëheqje dhe pranim të rezultatit të zgjedhjeve të 23 qershorit, mendoj se do të kishte qenë më mirë për Shqipërinë nëse zoti Berisha do t’ia kishte dalë të mbante një qëndrim më dinjitoz.”
k.c.