Pse Berisha ngutet të “sulmojmë” Assadin?

Britania nuk do të sulmojë, sepse dhoma e komuneve nuk ka gjetur arsye të mjaftueshme për një sulm në Siri. Të dërguarit e UN ende nuk kanë dhënë raportin e tyre mbi çfarë kanë parë, nëse kishte krim, kush, si, e pse. Por, kjo nuk e pengon Kryeministrin për ende një javë, z. Berisha, që të jetë më i informuar dhe më luftarak se ata.

Shkruan Berisha në FB:

“Siç faktojnë prova shumë të qarta, diktatori sirian al-Asad, ka përdorur gazin nervin dhe ka helmuar për vdekje mbi 1400 fëmijë, gra, burra, civile të pambrojtur në lagjet e Damaskut. Në mungesë të ndëshkimit të tij, OKB me Këshillin e Sigurimit të saj do te shndërrohej në mburojë botërore të regjimeve mizore diktatoriale.” Dhe fton SHBA “t’i japin vendosmërisht ndëshkimin e merituar regjimit të Sadamit të ri që përdori gazin kundër qytetarëve të vet.”

Sigurisht, askush në Perëndim nuk merr as shtysë, as argumenta për luftë nga Shqipëria e Kryeministri i saj. As ShBA nuk kanë nevojë për “mbështjetje morale”, sepse e dinë që me një fishkëllimë, vende si Shqipëria do thonë “Si urdhëron”. Ndaj duket që deklamacionet luftarake të Kryeministrit ende për një javë, duket se duan t’i bëjnë qejfin dikujt tjetër. Kujt? Mjafton të vëresh kush janë sponsorët e vendeve të rajonit për sulm ndaj Assadit...

k.c.