Siria, luftanijet britanike pranë Shqipërisë, gati për ndërhyrje, thotë Guardian

Deklaratat gjithnjë e më shumë luftarake mbi Sirinë nga Londra, Parisi dhe Uashingtoni, janë kurorëzuar me mbledhjen e djeshme në kryeqytetin e Jordanisë fqinje, Aman, të gjeneralëve kryesorë të vendeve perëndimore por edhe atyre arabe: SHBA, Britani, Francë, Gjermani, Kanada, Itali, Arabia Saudite e Katari. Takimi drejtohet nga kryetari i shefave të shtabit amerikan gjen. Martin Dempsej. Dyshimet e forta se regjimi i Asadit, raporton britanikja The Guardian, po përdor rëndom edhe armë kimike ndaj civilëve, ka bërë që Perëndimi ta mendojë seriozisht ndërhyrjen ushtarake. Rolin kryesor do të luajnë amerikanët, francezët dhe britanikët. Madje këta të fundit, kanë stacionuar pranë brigjeve shqiptare katër anije luftarake: HMS Bulwark, një helikoptermbajtës dhe dy fregata. Mjetet janë gati për t’iu përgjigjur urdhrave. Fotoja botuar nga The Guardian, përmban të gjitha stacionimet ushtarake aleate, të gatshme për ndërhyrje.

a.k