Arben Çuko krahason Berishën dhe Imamin me Hitlerin: "Po rrëmbejnë gjithçka në ikje"

Arben Çuko, deputet i Partisë Socialiste, thotë se ministri i Mbrojtjes, Arben Imami, ka një skenar për të shitur edhe një “pronë” tjetër të ushtrisë. Sipas Çukos, duke shpërblyer edhe njerëzit që i qëndruan korrekt tekave të tij, Imami është gati për të firmosur një tender prapa të cilit fshihet bashkëshortja e ish kreut të Shërbimeve Inteligjente, Ylli Zyla. Në një intervistë për Shqiptarja.com, deputeti socialist shprehet: “Bashkëshortja e këtij ish spiuni, e njohur tashmë si ortake në nja dy firma serbe të tregëtimit të armëve dhe municioneve tona, po përgatitet që të marrë tenderin e skrapit të ngelur të MB-së duke përdorur një firmë të ‘panjohur’ të një personi të ‘panjohur’ nga Elbasani”. Nga ana tjetër, Çuko ka shigjetuar ashpër edhe Presidentin e Republikës lidhur me çështjen e SHQUP-it, të cilin e ironizon duke thënë se “ka shitur shtëpinë e tij”. Mandej, Çuko ka krahasuar Berishën, Imamin dhe Nishanin me Hitlerin: “Të njëjtën gjë bëri dhe Hitleri kur po tërhiqej nga vendet e pushtuara: rrëmbeu dhe grabiti çdo gjë me vlerë që mundi dhe dogji dhe shkatërroi çdo gjë që la pas”.

Intervistën e plotë e lexoni në linkun http://www.shqiptarja.com/home/1/arben-cuko-imami-si-hitleri-po-rremben-gjithcka-ne-ikje-173282.html

r.k