Gazeta Panorama: Reportazh nga “Nju Jorku”, orë pas ore atje ku u bë mbledhja e parë e qeversisë së re

Gazeta Panorama boton sot nj reportazh nga Vlora, nga hotel  Nju Jorku, ku u zhvillua mbledhja e parë e qeverisë së re. Megjithëse mbledhja qe e mbyllur për mediat, gazetari i akredituar atje ka mundur në mënyrë direkte apo indirekte të gjejë dhe të shkëpusë detaje të mbledhjes.

…Interesimi për këtë mbledhje ishte i madh jo vetëm nga mediat, por dhe nga qytetarët, thuhet në shkrim, të cilët e kishin marrë vesh nga mjetet e informimit se qeveria në pritje do ta niste rrugën e saj nga Vlora e tyre, çka krijonte një atmosferë festive në qytet.  Njerëzit, të mbështetur në parmakët buzë detit përcillnin me sy karvanin e makinave të ministrave, dhe,  natyrisht, pas çdo makine jepnin edhe opinionet e tyre për ata që ishin brenda. Jo rastësisht Kryeministri i ri Edi Rama zgjodhi Vlorën për të bërë mbledhjen e parë të qeverisë së tij. Vlora për të gjithë shqiptarët, kudo që ndodhen, simbolizon lindjen e shtetit të ri shqiptar, dhe për këtë arsye kandidimi i Ramës në këtë qark dhe mbledhja e qeverisë lidhen me simbolikën e rilindjes së shtetit shqiptar.

… Takimi i djeshëm ishte dhe celebrimi i bashkëpunimit strategjik, siç e ka quajtur Rama atë me LSI-në. Në sallën e konferencave, në një tryezë ovale në krye të së cilës qëndronte Kryeministri i zgjedhur, Rama ka ulur në krah të djathtë zv.kryeministrin Peleshi dhe në krah të majtë ministren e ardhshme të Integrimit, Klajda Gjosha, duke treguar edhe njëherë bashkëqeverisjen e konsoliduar të tij me Lëvizjen Socialiste për Integrim. Vendosja vijonte me ministrat e rëndësishëm të kabinetit, Kodheli te Mbrojtja, Bushati i Jashtëm, Cani i Financave, Nikolla e Arsimit, Haxhinasto i Transporteve dhe në fund të tryezës ministrat e shtetit. Pas prezantimit të dy kryetarët e grupit të punës të caktuar nga Rama dhe Meta, Edmond Haxhinasto dhe Ilir Beqja të programit afatshkurtër prej 300 ditëve të para, ministrat, ashtu siç dhe ishin porositur nga Kryeministri i zgjedhur, paraqitën planet e punës së tyre për çdo dikaster. Vetë Rama përshtypjet e këtij takimi i shprehu në rrjetin Tëitter: “Sapo mbaruam! Një ditë e gjatë pune që iku si një minutë përmes diskutimesh plot ide të reja dhe shumë energji pozitive. Nesër vazhdojmë. Shumë i mbresuar pozitivisht nga puna përgatitore, paraqitja e planeve të ministrave dhe diskutimi i ideve në grup”.

…Para hotelit ku Rama po mban mbledhjen e qeverisë, përfaqësues të shoqatës civile të mbrojtjes së konsumatorëve protestuan duke shpërndarë disa fletëpalosje përmes të cilave i kërkonin Kryeministrit të ri dhe qeverisë së tij të propozonin kthimin te qytetarët të plazheve të vjedhura nga kryetari i Bashkisë së Durrësit, Vangjush Dako.  

…Kryeministri Rama, njëkohësisht deputet i qarkut të Vlorës, do t’ia kushtojë ditën e sotme këtij qarku, ku do të takojë të zgjedhurit vendorë, kryetarët e bashkive dhe komunave të këtij qarku.

I plotë reportazhi në linkun: http://www.panorama.com.al/2013/08/22/qeveria-e-re-rama-shtate-oret-e-mb...

Zh.