Faqja denoncuese e Ramës, e “pakolauduar”. Ekspozonte denoncuesin, ndaj do riformatohet

Denoncimi i ndërtimeve pa leje dhe abuzive në faqen “StopRrënimit.com” të hapur nga kryeministri i ardhshëm Edi Rama, rezolutoi një hap i pakolauduar. Kjo për arsyen e thjeshtë se siç e kërkonte aplikimi, qytetarët duhet të jepnin foton e ndërtimit abuziv, por edhe të shënonin identitetin e tyre të plotë, adresën e e-mail-it, numrin e telefonit dhe bënin dhe një përshkrim të objektit të ndërtuar dhe pronarit të tij. Kuptohet që kjo e ekspozon tërësisht denoncuesit ndaj të denoncuarit. Kështu, siç njofton dhe shtypi i sotëm, faqja e re e internetit u pastrua nga këto denoncime fotografike, pasi bërja publike e të dhënave të qytetarëve duket se ka futur në konflikt qytetarët me ata që kanë ndërtuar në mënyrë abuzive. Burime nga PS thanë se faqja e internetit do të pësojë disa rregullime për të shmangur pikërisht publikimin e identitetit të qytetarëve që do të postojnë fotot e ndërtimeve. Vetëm 24 orë nga hapja e faqes “StopRrënimit.com”, qytetarët postuan rreth 40 fotografi që tregonin pallate, vila, plazhe, shtesa në pallate, lavazhe, lokale në pika të ndryshme bregdetare, por edhe në Tiranë.

a.k