BE: Do të rishikojmë marrëdhëniet me Egjiptin. Situata në vend është për faj të ushtrisë

Bashkimi Europian thotë se do të rishikojë marrëdhëniet me Egjiptin dhe ka dënuar fort ashpër situatën atje, duke ngarkuar me përgjegjësi kryesore autoritetet e përkohshme të vendin dhe ushtrinë. Në deklaratën e firmosur nga autoritete më të lartë të BE-së, Barroso dhe Van Rompuy, shprehet keqardhja e thellë që përpjekjet [pa rezultat] e komunitetit ndërkombëtar për të ndërmjetësuar një zgjidhje përmes dialogut nuk u morën parasysh.

“Përshkallëzimi i mëtejshëm i situatës duhet të ndalohet. Ne kemi interes dhe përgjegjësi të përbashkët për ruajtjen e paqes dhe stabilitetit në një rajon strategjik. Përshkallëzimi mund të ketë pasoja të paparashikuara për Egjiptin dhe më gjerësisht për rajonin”, thuhet në deklaratën e BE-së. Ajo kërkon rinisjen e menjëhershme të dialogut, rifutjen e vendit në një proces demokratik dhe lirimin e të burgosurve politikë. Por, deri tani të gjitha përpjekjet e ndërkombëtarëve për t’i dhënë zgjidhje asaj çfarë po ndodh në Egjipt kanë rezultuar të dështuara.

Re.Pu