Stalini, megjithëse vrau 20 milionë njerëz në të gjithë botën dhe 700 mijë në vendlindjen e tij, “është i mirë” për gjeorgjanët

Zëri i Amerikës në një kronikë të këtyre ditëve flet se si mendojnë bashkëqytetarët e Stalinit në Gori të Gjeorgjisë, tani  që  mbushen 60 vjet që prej vdekjes së tij. Historianët thonë se nën sundimin e Stalinit 700 mijë gjeorgjianë u vranë, u dëbuan ose humbën jetën gjatë Luftës së Dytë Botërore. Për 30 vjet, Josif Stalini sundoi Bashkimin Sovjetik me grusht të hekurt, duke vrarë deri në 20 milion njerëz me ekzekutime, dëbime dhe uri në masë. Por këtu në Gori, Josif Dzhugashvili, ose Stalini, është djal i njohur i qytetit, madje mburrja e tij.  Në Bulevardin Stalin, muzeu Stalin i Gorit ruan kasollen e thjeshtë prej tulle, ku Stalini kaloi 4 vjetët e parë të jetës së tij. Stalini është pika më tërheqëse turistike në Gori, ndaj para ditëlindjes së tij më 21 dhjetor do të ringrihet statuja e tij e hequr para disa vitesh.

Gigi Xidashli është admirues i Stalinit: “Figura e Stalinit është shumë e dashur për ne, për këdo në Gori. Secili ka mendimin e vet, por Stalini lindi këtu, ky është qyteti i tij dhe vendlindja e tij. Analisti Alexander Rondeli thotë se pjesa më e madhe e familjes së nënës së tij u vranë gjatë sundimit të Stalinit: “Nëse do të më pyesnin mua, unë do të thosha që çdo gjë në muze të shkatarrohet, por shumë njerëz thonë se Stalini ishte një figurë historike”. Sipas një ankete të zhvilluar këtë vit, dy të tretat e gjeorgjianëve e cilësojnë Stalinin si “një udhëheqës të urtë”.  Gjeorgjianët do të zgjedhin presidentin e ri në tetor. Përkrahësit e opozitës thonë se statujat e Stalinit po ngrihen kudo në vend.

Zh.