Prishtina e Tirana duhet t’i “bashkojnë” qeveritë, thotë Behgjet Pacolli

I nxitur nga bashkëpunimi në rajon, zëvendëskryeministri i Kosovës, Behgjet Pacolli, këmbëngul në idenë e realizimit të seancave të përbashkëta qeveritare mes Shqipërisë dhe Kosovës, për të nxitur një impuls pozitiv në zhvillimin e marrëdhënieve mes dy vendeve. Në një prononcim për median kosovare, Pacolli është shprehur se hartimi i një strategjie zhvillimore do ta thellonte bashkëpunimin me Shqipërinë, në interes në rritjes ekonomike dhe mirëqenies së qytetarëve të të dy vendeve. “A po shikoni se ç’po ndodh në rajon? Qeveritë e Maqedonisë me atë të Serbisë dhe Bullgarisë, po takohen dhe po ecin përpara në këtë drejtim. E pse ne mos të bëjmë të njëjtën gjë?”, është shprehur Pacolli.

Ai pranon se na duhet  një strategji zhvillimore afatgjatë, që të miratohet në mënyrë konsensuale dhe të përcaktojë prioritetet tona, aftësitë konkurruese. Pacolli ka thënë se ka bërë shumë aktivitete, ka hartuar shumë projekte e ka lëshuar shumë thirrje për elitave tona politike, “por unë s’mund të bëj më shumë, me këtë përfaqësim politik që kam në qeveri”.

Re.Pu