Do të ndërhyjmë në Lazarat, thotë policia. Por, a është kjo thjesht një fazë kalimtare euforie?

Gazeta Shqip njofton sot, nga burime zyrtare të Policisë së Shtetit, se shumë shpejt do të ndërhyhet në Lazarat dhe në ccdo zonë tjetër ku kultivohet hashashi, për të asgjësuar parcelat e mbjella me kanabis. Burimet e gazetës shprehen se policia është e vendosur për të asgjësuar çdo zonë që është e mbjellë me lëndë narkotike, por nuk jep detaje për operacionet “pasi janë pjesë e punës. Nëse do e publikonim, atëherë kjo do të na sillte pengesa”. Ndërkaq, grupet e punës vazhdojnë monitorimin e territorit me avionë specialë, për identifikimin e sipërfaqeve të mundshme të kultivuara me bimë narkotike në Shqipëri.

Sipas Shqip, grupet e punës vazhdojnë të jenë në terren, por operacionet e ndërhyrjes nuk bëhen me dije, pasi janë pjesë e hetimeve. Nga të dhënat zyrtare, këtë vit ka pasur një tendencë rritje për sa i përket mbjelljes së hashashit. Ka nga ata që këtë fenomen e justifikojnë me faktin se uniformat blu kanë qenë të angazhuara me zgjedhjet parlamentare e për pasojë kultivuesit kanë përfituar.

Pas shifrës së publikuar nga italianës, se vetëm hashashi i Lazaratit kushton rreth 4.5 miliardë euro, policia shprehet e vendosur për të ndërhyrë, por a është kjo vetëm një fazë kalimtare euforie?

Re.Pu