Më mirë Turqia se Kina, thotë Tarifa (për partneritetin)

Sot, Dita ka analizuar përmes ish-diplomatit Fatos Tarifa opsionin “Turqi”si partner strategjik për Shqipërinë. Në artikullin e gjatë, Tarifa analizon dhe vlerat e Turqisë përkundrejt Kinës, madje duke e vlerësuar si “demokratik”.

Ja pse na duhet Turqia:

“Kina është një vend i fuqishëm dhe i rëndësishëm, por për Shqipërinë është larg. Për më tepër, Kina nuk është një vend demokratik.  Shumë më afër se Kina, madje në të njëjtin rajon mesdhetar e ballkanik me ne, është Turqia. Ky vend demokratik është po ashtu i fuqishëm dhe i rëndësishëm, jo vetëm për Shqipërinë, por edhe për rajonin e Ballkanit, për rajonin më të gjerë të Lindjes së Mesme dhe të Azisë Qendrore (të cilët, sipas Brzezinskit, mund të bëhen “Ballkani i nesërm global”), si edhe për vetë Bashkimin Europian.

Më tej:

...Me popullsinë e saj 74 milionëshe dhe shumë të re në moshë (...) në mes të këtij shekulli popullsia e Turqisë do të jetë më e madhe se popullsia e Francës dhe e Anglisë, të marra së bashku, me tregun e saj (një ndër dhjetë tregjet më dinamike në botën e sotme), me shkallën e lartë të rritjes së saj ekonomike (një ndër ekonomitë që do të njohë rritjen më të madhe në 50 vitet e ardhshme, sipas një raporti të kohëve të fundit të OECD-së), me sistemin e saj demokratik, me ushtrinë më të madhe (pas Amerikës) ndër të gjitha vendet e NATO-s, me pozitën gjeografike dhe influencën e saj shumë të madhe në rajonin e Lindjes së Mesme dhe në Azinë Qendrore, Turqia është një vend që meriton një vëmendje shumë më të madhe se deri më sot nga politika shqiptare.

Me sa duket po merren të gjithë me vlerat e Turqisë (përkundrejt e në krahasim me Italinë/Greqinë), e askush me pyetjen, se çfarë kemi ne për të ofruar? Dhe, a ka Shqipëria fuqinë të zgjedhë, apo “ta zgjedhin”?

k.c.

i plotë:

http://gazetadita.al/08-gusht-2013/