Artan Hoxha: “zgjedhjet 2009 dhe 2001 më të mira se ato të 2013”

Në një analizë të gjatë të fotografive të shifrave të votimit nga 2009, 2001 e 2013, Artan Hoxha në një shkrim te Panorama mbërrin në përfundimin se  zgjedhjet e 2009-s dhe ato të 2011-s (në Bashkinë Tiranë) mbeten më të mirat.

“Sistemi i votimit, i numërimit dhe i ankimit, si një i tërë, ka funksionuar për bukuri dhe ka qenë i aftë të nxjerrë rezultat të pamanipuluar edhe në rastet e diferencave tejet të ngushta si ai në zgjedhjet 2009 dhe ai në zgjedhjet 2011 në Bashkinë Tiranë, e jo më në zgjedhjet 2013, ku diferenca e gjerë e bënte administrimin mjaft më të lehtë dhe mëkat që u njollos për “pesë pare spec” në 10 kuti në Lezhë nga opozita. Nga ky këndvështrim, zgjedhjet 2009 dhe ato 2011 në Bashkinë Tiranë mbeten më të mirat, ndonëse më të kontestuarat.”

Më tej, ai shpjegon rezultatin e 2013 si një “tejzgjerim të avantazhit përmes votës që jepet për motive të dobëta jopolitike dhe joideologjike e që joshet me mjete të forta jopolitike e joideologjike, e përdorur gjerësisht dhe me efektivitet nga PS, LSI dhe disa prej të vogla e periferike të tipit “Uo të ka lali xhan…”.”

Duke konsideruar blerjen e votës si një mjet për të krijuar diferencën e fituesit (2013) ai parashikon vështirësi për zgjedhjet e ardhëshme, pasi “çështja me të vërtetë e vështirë mbetet blerja e votës, që në fakt nuk kushton kush e di se çfarë. Sa për ilustrim, me një çmim, gjerësisht të përfolur, prej 50 eurosh për votë, 50 mijë vota – mjaftueshëm për një parti kryesore – mund të blihen me 2.5 milionë euro dhe 5 mijë vota – mjaftueshëm për një parti të vogël periferike – me 250 mijë euro.”

k.c.

I plotë:

http://www.panorama.com.al/2013/08/08/zgjedhjet-me-te-mira/