Berlusconit i shtrëngohet laku; por partinë e ka të tërën me vete

Italia nuk është e thënë të gjejë qetësi menjwherw. Pas vendimit të Gjykatës së Lartë për të dënuar Berlusconin, partia e tij kërkon urgjentisht në parlament diskutimin e një reforme për drejtësinë; në mos, ajo do të largohet nga maxhoranca, dhe kështu qeveria do të bjerë. Përveç kësaj, po i kërkohet Presidentit Napolitano të shtjerë në punë kompetencat e tij, dhe ta falë Berlusconin. Nuk mabron këtu. Koordinatori i kësaj partie, Sandro Bondi, është shprehur sot: «O do bëhet e mundur që kreu i partisë më të madhe italiane të lihet i lirë të zhvillojë aktivitetin e tij politik, o Italia rrezikon një luftë civile”. Napolitano u përgjigj menjëherë, nëpërmjet një njoftimi për shtypin: “Këto janë fraza të papërgjegjshme”.  Po kështu kanë reaguar dhe të tjerët.

Ndërkohë, gazeta e famshme Financial Times, që nuk është shquar për ndonjë simpati për Berlusconin, këtë herë është treguar e pamëshirshme: “Bie perdja, show i kllounit të Italisë mbyllet”. Nuk mjaftohet me kaq. I bën thirrje Berlusconit të dorëhiqet e t’mos vërë në siklet senatorët, të cilëve do t’u duhet të votojnë për t’ia ndërprerë mandatin e senatorit.

Re.Pu.