I kërkuari nga policia kapet në shtëpinë e Agim Çekut, Ministër i forcave të Sigurisë i Kosovës

Agjensitë e lajmeve bëjnë me dije se më 23 korrik është bastisur nga Policia e Kosovës shtëpia e ministrit të Forcës së Sigurisë, Agim Çeku, siç thuhet “gjatë një operacioni të gjerë policor, u arrestuan gjithsej tetë persona të dyshuar për “kontrabandim të migrantëve” dhe “krim të organizuar”.”
Burimet e Indeksonline brenda Policisë së Kosovës, kanë deklaruar se, në momentin e bastisjes, në shtëpinë e Çekut në lagjen “Matiçan” të Prishtinës, është kapur një mik i tij, i dyshuar për përfshirje në krim të organizuar. Sipas policisë, në këtë operacion kanë qenë të përfshitë hetuesit e krimit të organizuar nën udhëheqjen e prokurorit publik, njofton INA online.
Ngjarja, është pak të thuash “e habitshme” në çdo vend tjetër do të kishte krijuar një vorbull mediatike të madhe. Në tokat shqiptare, kalon si një lajm i zakonshëm. Fundja, një i kërkuar kapet ën shtëpinë e ministrit, ndërsa policia i ka bastisur shtëpinë (ministrit) pa dijeninë e këtij! Dhe për më tepër, media e merr vesh vetëm pas 1 jave!!
k.c.