I arratisuri shqiptar, policia greke ngushton rrethimin shumë pranë kufirit

Mediat greke kanë bërë të ditur vetëm para pak orësh se sipas burimeve policore fqinje, Ilir Kupa, shqiptari i arratisur nga burgu i Trikallës në Greqi ndodhet fare pranë kufirit me Shqipërinë, vetëm 500 m larg. Gjurmët e Kupës janë zbuluar në fshatin Kerasohori në Thesproti, në një shtëpi ku ai dhe ka ngrënë konserva. Ilir Kupa shpëtoi nga zjarri i policisë para pak ditësh, kur i arratisuri tjetër, Marjan Kola, u vra gjatë përplasjes me armë. Kupa arriti të largohet, por tashmë shteti shqiptar ka nisur negociatat me familjarët e tij për të ndihmuar policinë greke në arrestimin e tij dhe shpëtimin e jetës. Ambasadori ynë, Dervishi, ka kontaktuar me të afërmit e tij për dorëzimin e Kupës.

A.K