Rinumërimi në Shkodër përfundoi: U mbars mali e polli një mi

Votat e 417 kutive të 8 KZAZ-ve të qarkut të Shkodrës janë rinumëruar kokërr më kokërr nga anëtarët e KQZ-së. PD-ja paralajmëroi hapje të kutive dhe në qarqe të tjera, dhe me këtë lanë të kuptohet se nuk do të heqin dorë nga beteja për transparencë, por rinumërimi në Shkodër rezultoi një show i kotë e i tepërt, përrveçse i paligjshëm (dhe sipas Kolegjit Zgjedhor). Rinumërimi nxorri që – sipas fjalës së Hysen Osmanit, komisionerit të KQZ-së – “PR-ja pretendoi një mandat, dhe pas verifikimit diferenca vetëm u thellua [në dëm të kësaj partie]. Nga 78 vota që ishte diferenca, ajo shkoi në 236 vota; pra, kjo forcë u sqarua dhe u bind se nuk i ishte cenuar vota; vota ka shkuar atje ku i kishte dërguar elektorati”. “Trukimi” pra ka qenë në nivelin e disa dhjetra votave, dhe “manipulatorët” kanë qenë ‘pa motivacione politike’.

Me sa duket e gjithë kjo ka qenë një tentativë për të bërë pis një proces. Por kjo tentativë doli huq.

Re.Pu.