B.Haxhiu nuk u ndahet islamikëve radikalë: Po e përdjallëzoni fenë e vërtetë

Gazetari Baton Haxhiu e ka bërë kauzë të vetën, qëndrimin e prerë kundër islamit radikal në Kosovë. Pas disa reagimeve të islamikëve (fotoja, ilustrative) mbi shkrimin e tij të javës së kaluar, në trajtën e një përgjigjeje kolegut të tij nga Zvicra, Xhemal Ahmeti, Haxhiu është kundërpërgjigjur me një shkrim tjetër. Në fakt, një letër e hapur, e titulluar “të dashur radikalë islamikë”. Ja si u drejtohet Haxhiu këtyre grupimeve: “Racizmi, që ofroni si metodë linçimi, manifeston qartë padashurinë që keni ndaj këtij vendi. Kjo sepse JU përdjallëzoni islamin normal, demonizoni normalitetin e krijuar si kulturë religjioze në Kosovë, të cilën e kemi pasur tradite dhe që buron nga një histori plot vuajtje. Dallimi juaj prej nesh po krijon shok kulturor, të cilin edhe unë e përjetova kur tash me shkronjat qëndruat përballë meje duke fyer dhe duke përndjekur atë që kisha shkruar me ndjesinë e njeriut të Kosovës. Shikimi i juaj për Kosovën dhe besimin m’i ngjet njerëzve të uritur deri në eshtra për urrejtje, të cilët askujt nuk i tregojnë për atë që ata shohin. Por çdo ditë krijohen rrëmuja të kompetencave nga një konkurrencë brutale ndërmjet xhamive dhe klerikëve,të cilët, grinden për “florinjtë” dhe të hollat e dhuruara”.  

Shkrimin e plotë e gjeni edhe në linkun: http://www.gazetatema.net/web/2013/07/23/te-dashur-radikale-islamike/

A.K