Vehbiu flet për lëvizjet nacionaliste të këtyre kohëve. “Janë ninulla kombëtariste”, thotë

Ardian Vehbiu e nis një shkrim të tijin me titull ‘Ninulla kombëtariste” me Koço Danajn, që ka bërë me dije se do të mbledhë një milion firma për një peticion mbi Shqipërinë natyrale (shifra 1 milion është bërë shumë joshëse këto kohë; e përmendte shpesh Spahiu si numër votash që do merrte; e përmendin tani dhe socialistët si numër votash që kanë marrë). Vehbiu nuk ndalet gjatë tek Danaj, por merret me tezën e shtetit komb që, sipas tij, është bërë argument për debat në blogun “Rrethi i Ferrit” të Shinasi Ramës, dhe me një nëntezë, që thotë se qendra e shqiptarizmës nuk është më Tirana, por Prishtina.

Shkrimin e mbyll me fjalët: “Së bashku me nismat “natyrale” të Koço Danajt, përpjekje të tilla, sikur të mos ishin të vetëkufizueshme (self-limiting) dhe pa peshë politike e ideologjike të mirëfilltë, do ta rrezikonin fatin dhe mbrothësinë e shqiptarëve si komb më tepër se ç’po e rrezikojnë paritë e korruptuara – në Tiranë, në Prishtinë, madje dhe në vetë diasporë.”

Artikullin e plotë e gjeni në linkun http://xhaxhai.wordpress.com/2013/07/21/ninulla-kombetariste/

Re.Pu.