K. Islami shpërthen në rrjetet sociale; por nuk e nxjerr në shesh emrin e “armikut”

Kastriot Islami ka lënë një shënim të fortë në facebook, Nuk i referohet asnjë personi apo emri, por një kategorie a tipologjie njerëzish, dhe kjo merret vesh nga një numër epitetesh të fortë, të llojit “maskarenj, sharlatane, medioker, inferiore, hajdute, manjake, e nuk e di çfare tjeter”, që ai i rreshton. Këta pra – menjëherë shpjegohet motivi – “i jane sulur te gjithe atyre qe thone te verteta, perpiqen me te gjithe menyrat e tyre t’i tallin ata, t’u kundervihen atyre, t’i shkaterrojne ata, dhe shpifin ndaj tyre, i shajne dhe kercenojne te gjithe ata qe thone te vertetat dhe ata qe i besojne te vertetat” Siç shihet, nuk i referohet as vetes. E ka përfshirë veten tek një tipologji tjetër njerëzish (good guys).

Por i rikthehet tipologjisë së parë (bad guys): Shumica e tyre jane frikacake, anonime, me identitet te maskuar.... Dhe më pas bën një apel, dhe me këtë kërkon solidaritet publik: “Miq mos u merzitni, mos u shqetesoni, mos u ligeshtoni, mos besoni se jane te forte, mos besoni se do te jene fitimtarë te perhershem, mos u terhiqni”.
E mbyll me një thënie të Schopenhauer-it: “E verteta kalon neper tre faza: ne fillim e tallin, pastaj i kundërvihen, në fund e pranojnë....
Me kë e ka Islami? Ndoshta ka dashur të reagojë ndaj një shkrimi të Fatos Tarifës (në fakt, është fjala për një fragment nga një libër i tij, i publikuar dhe në sitin tonë; shihni linkun http://respublica.al/opinion/2013/07/21/disa-kujtime-nga-sht...). Por nuk e thotë këtë gjë. Ka lënë që të tjerët ta marrin me mend.

Re.Pu.