“Zullum” tjetër i ministrit të Mbrojtjes; Arben Imami liron 73 oficerë, sipas tij, “të kuq”

Më i përfoluri, më i anatemuari ministër i qeverisë Berisha për korrupsion dhe abuzime  me detyrën, pa dyshim që ka qenë ministri i Mbrojtjes Arben Imami, i cili, në ikje e sipër, vazhdon të bëjë endé zullume. Në fakt, Arben Imami, me mburojë shefin e tij Berishën, me brutalitetin, skandalet e pa fund, e ka treguar dhe po tregon se nuk njeh ligj, nuk njeh rregull kur është fjala për babëzi në favor të tij, shefit apo njerëzve që ka mbajtur dhe po mbanë peng shtetin.

Gazeta Dita bën të ditur se humbja ndëshkuese në zgjedhjet e 23 qershorit ka bërë që hakmarrja antiligjore e primitive e Ministrit të Mbrojtjes Arben Imami të shkarkojë 73 kolonelë e majorë, të cilët i gjykon se nuk punuan në zgjedhje që ai dhe forca politike që përfaqëson të rrinin në pushtet. Urdhri i firmosur nga Imami  mban Nr. 1447 dhe  datën 05.07.2013, por se më shumë se gjysma e të liruarve nuk kanë asnjë dijeni që janë larguar nga Forcat e Armatosura. Referuar fakteve, konstatohet se mes të liruarve, janë dhe ushtarakë që janë larguar nga ushtria ditën që kanë përfunduar Akademinë Ushtarake (6 të tillë), pikërisht atë ditë që duhet të merrnin funksionet përkatëse.

Ndërsa Presidenti i Republikës, që është njëkohësisht dhe Komandant i Përgjithshëm i Forcave të Armatosura, në këto raste bën të paditurin(!)…

Zh.

Shkrimi i plotë dhe lista e oficerëve të liruar në linkun: http://gazetadita.al/imami-hakmerret-per-23-qershorin-firmos-lirimin-e-7...