Shqipëria turistike, çuditërisht, Durrësi më i preferuar për CNN, si një nga “qoshet” më me diell dhe më me histori të kontinentit

Nga Durrësi deri në jug, Shqipëria ia del edhe këtë herë të jetë në klasifikime turizmi, shkruan sot Shqiptarja.com, duke iu referuar një shkrimi-guidë të CNN në rubrikën “Tavell”, ku u sugjerohen turistëve 8 qytete të pazbuluara në Europën Lindore.  Durrësi renditet i gjashti në CNN.

Tingëllon pak çuditshëm që qyteti i cili nuk është ndër më të preferuarit këto vitet e fundit për shqiptarët rekomandohet nga CNN. Por pika e vështrimit të gazetarit është pikërisht koordinimi i rrënojave romake me plazhin. Sipas guidës, një tjetër element që e favorizon Durrësin kundrejt pjesës tjetër të bregdetit shqiptar është afria me kryeqytetin dhe dielli mesdhetar, më i miri në kontinent.

Vetëm një orë larg me makinë, nga Tirana, plazhi i Durrësit konsiderohet si një nga “qoshet” më me diell të kontinentit. Hapësira të mëdha ku mund të luash volejboll dhe të shijosh ushqim e pije mjaft të lira por të shijshme në restorante të futura në mes të gjelbërimit të pishave. Autori thekson se turistët e huaj do të përgëzojnë veten për zbulimin e këtij qyteti teksa do të shijojnë mbrëmjet e pushimeve në Durrës. Dhe për ata që nuk duan shumë diell, mjafton vizita në Amfiteatrin antik  ku dikur 15.000 spektatorë bënin tifo për gladiatorët.

Shkrimi i plotë në linkun: http://www.shqiptarja.com/home/1/guide-me-cnn-shqiperia-mes-europes-turi...

Zh.