Maks Velo rrëfen jetën e tij. “Aktakuza u pregatit nga 3 artistë. 12 dëshmuan kundër meje” “as Dritëroi nuk më fliste rrugës...

Arkitekti dhe piktori Maks Velo në një rrëfim të gjatë për Blendi Fevziun te Klan, i rimarrë nga Panorama me dy pjesë, dje dhe sot, flet për burgimin në Spaç dhe për artistët që e dënuan. Ajo që e denoncoi ishte e shoqja. “Dorëzoi në hetuesi fotot e familjes. S’e di në ishte e detyruar. Mbante miqësi me hetuesit e babait tim,” thotë Velo.

Aktakuza e tij u hartua nga 3 artistë. 12 të tjerë dëshmuan në gjyq. Asnjëri nuk i ka kërkuar falje. Madje, në pjesën e botuar sot, Velo thotë se nja 3 nga ata, kur u afrohet në rrugë nisin e bërtasin me të madhe (!!) për një arsye që as ai nuk di ta shpjegojë. Ai thotë edhe se, pasi u lirua me një amnisti më 1986, askush nuk i fliste në rrugë, as Dritëro Agolli. “U ndeshëm te 15 katëshi. Bëri sikur s’më pa,” thotë Velo. I vetmi që ka pranuar t’i flasë në rrugë është Kadare.

Akuza ndaj Velos ishte agjitacion-propagandë, art modern, influencë perëndimore. “Influencë perëndimore sipas tyre. Pikaso për ta ishte kriminel. Matisi ishte xhelat.” Thotë Velo që rrëfen se më e

rënda është akt-akuza e lidhjes. “Kryetar ishte Dritëro Agolli, sekretar Kujtim Buza. Ai e ka formuluar akuzën, edhe pse është edhe nga Skënder Milori, Foto Stamo. Akuzën e kam përkthyer në disa gjuhë dhe ajo është e pabesueshme. Sepse thonë, nuk ka mundësi një akuzë e tillë.”

Velo thotë se ka refuzuar 6 herë të bashkëpunonte me Sigurimin e Shtetit.

k.c.

Pj. 1 e rrëfimit:

http://www.panorama.com.al/2013/07/17/rrefimi-i-maks-velos-si-me-denoncoi-gruaja-te-sigurimi-i-shtetit/