Berisha në mbledhjen e sotme të qeverisë, impozant, sikur të jetë kryeministër “prej vërteti”!!!

Sipas tij, ai nuk është kryeministër në detyrë dhe as kryeministër i një qeverie kujdestare, ai e di në mënyrën më precize se kur mbaron mandati i një qeverie dhe kur fillon mandati i një qeverie tjetër, ndaj do të shfrytëzojë çdo mundësi që i jep ligji, qoftë edhe të “bëjë fushatë” dhe të fitojë kohë për rehabilitimin e vetëvetes.

Duke e ditur se është një fushë delikate dhe vështirë për t’u çbërë nga qeveria e re, Kryeministri deklaroi në mbledhjen e qeverisë se do mbahet premtimi për rritjen e pagave dhe pensioneve, pensionet me 4 përqind rritje, ndërsa rrogat e buxhetorëve do të rriten me 5.4 përqind. Me këtë rritje nuk do të ketë pension poshtë 12 mijë e 24 lekë. Ndërsa paga e buxhetorëve do të rritet me me 5.4 përqind, pra rritet me 2.7 herë se inflacioni.

“Çdo qindarkë përballohet nga të ardhurat e buxhetit të shtetit. Nuk kemi përdorur asnjë qindarkë të marrë borxh. Ky përbën një nga ndryshimet më të mëdha dhe më thelbësore. Fondi i pagave është 100% e garantuar”, theksoi Berisha. Ndërkohë që shifrat japin gjendjen të të vështirë dhe paradoksale ekonomike dhe financiare!...

Zh.