Rama, Meta: Relax në Qeparo, në shoqërinë e djalit të fshatit, Koço Kokëdhimës

Një lajm fare i freskët i stilit 'week-end' na vjen nga Qeparoi (apo thuhet Qeparoja?), fshati buzë detit (shihni foton), midis Himarës dhe Borshit; madje, krejt ngjitur me Borshin. Atje kanë shkuar të kalojnë fundjavën, apo ndoshta vetëm ditën e sotme, Edi Rama dhe Ilir Meta, dhe të dy janë parë në shoqërinë e Koço Kokëdhimës, socialistit rishtar të sapozgjedhur deputet i Kuvendit. Janë parë të tre në një lokal, që njerëzit e fshatit e identifikojnë si 'lokali i Stefit'. Burimi ynë na dha dhe info të natyrës së lehtë "bulevardeske": Rama dhe Meta kanë qenë me pantallona të shkurtëra; Rama ka pasur të veshur një bluzë të Rilindjes; ndërsa Koço ka pasur një veshje "më namuzqare", ka qenë me pantallona të gjata; i vetmi element veror në veshjen e këtij të fundit, bir i fshatit Qeparo, kanë qenë syzet e diellit.
Pak sfond historik: Kokëdhima ka qenë njeriu që në terma konkretë ka shërbyer si zamkë në tentativat për bashkimin e Ramës me Metën; gjithë negociatat e aleancës janë zhvilluar në shtëpinë e Kokëdhimës, në praninë overwhelming të këtij të fundit. Shumë vetë janë të sigurtë se Kokëdhima do të vijojë të luajë një rol të planit të parë në qeverisjen e të majtëve, ndonëse nuk pritet të ketë funksione në ekzekutiv.
Re.Pu.