“Dita” dhe “Sot”: Në Tiranë shfaqet Fazlliç, Shkëlzeni diç transporton jashtë

Dy gazeta të përditshme, “Dita” dhe “Sot” i kushtojnë një rëndësi të veçantë dy ngjarjeve të ndryshme në faqet e tyre. Gazeta “Sot” raporton se këto ditë në Tiranë është parë biznesmeni serbo-boshnjak, Damir Fazlliç, të cilit ndryshe i referohet si sekseri i Familjes Berisha. Sipas gazetës, pas humbjes së PD-së në zgjedhje, ai tashmë gjendet në hall për pronat e tij në Shqipëri, por edhe për borxhet e pashlyera për importin e energjisë. Ndërsa, e përditshmja “Dita” shkruan se biri i kryeministrit, Shkëlzeni, së bashku me një nga truprojat e Berishës, është parë duke ngarkuar në Rinas në një çarter me shkronja arabe, tre valixhe metalike. Artikulli thotë se nuk dihet se çfarë ka pasur në ato valixhe, por konfirmon se tre ditë më parë djali i kryeministrit ka debatuar me dikë në aeroport.

Re.Pu