Dua rrogën. Mos më quani më pas tradhtare po ika – thotë peshëngritësja Romela Begaj

Peshëngritësja Romela Begaj ka dhënë një deklarim për mediat sot, ku e quan zvarritjen e pagesave për sportistët “një turp për shtetin shqiptar”. Disa nga fjalët e saj që gjenden në faqet online të mediave kryesore të vendit:

“Unë kërkoj një shpjegim se ku janë lekët, ku kanë përfunduar, institucionet të dalin edhe të thonë të vërtetën. Ky është një turp për shtetin shqiptar që po na zvarrit më pa të drejtë. Kjo nuk është aspak dinjitoze për dikë që ka përfaqësuar vendin në sa e sa gara. Kam pasur shumë oferta nga disa shtete për t’u larguar, por kjo nuk është në dëshirën time. Pasi unë dua që të përfaqësoj vetëm Shqipërinë. Por edhe durimi e ka  një kufi, shteti po më largon me duart e tij. E them me dhimbje, por situata e krijuar po më bën që të mendoj largimin. E nëse ndodh një gjë e tillë të mos dalin edhe të thonë pastaj që janë tradhtar, pasi tradhtar shteti po na largon vetë. Uroj që qeveria e re të ketë në vëmendje sportin, pasi gjërat janë shumë keq”

Flet më pas edhe për një bisedë me ministrin e ri të Sporteve, Visar Zhiti:

“Ministria e Sporteve ka katër muaj që na gënjen duke na sorollatur nëpër dyert e institucioneve. Fillimisht na thënë se pagat kanë dalë, por pas interesimit rezultoi krejtësisht e kundërta. Pas kësaj kontaktova me ministrin Visar Zhiti, i cili më tha që duhet të kontaktoj me zëvendësin, por ky i fundit ka fikur telefonin. Nuk e di si të veproj. Buk po kërkoj lëmoshë, por vetëm atë që më takon me ligj”. a.n.