Basha: Duhet t’u themi atyre që janë mashtruar më 23 qershor se cila është rilindja e mashtrimit

Lulzim Basha, nga pozitat e kandidatit për kreun e PD-së, ka përqafuar kauzën e mbrojtjes së administratës publike. Ja çfarë ka thënë ai në një takim të mbajtur me demokratët e Tiranës: “[Ne do të jemi] të gatshëm jo vetëm të evidentojmë, por edhe të provojmë me fakte para çdo gjykate padrejtësitë e këtyre vendimeve [të shkarkimeve nga puna], t’i kthejmë ato në konsekuenca ligjore, për rikthim në punë, konsekuenca financiare për dëmshpërblim dhe më pas është detyra jonë t’i kapitalizojmë si konsekuenca politike, për të shkurtuar ditët e kryezullumqarëve”, ka thënë ai.

Pastaj e ka çuar fjalën te “të mashtruarit e 23 qershorit” dhe tek opozita e ardhshme: “PD do të garantojë, që edhe ata të mashtruar të 23 qershorit ta kuptojnë koston e mirëbesimit tek rilindja e mashtrimit. Ne do të na kenë mbi kokë ditë për ditë, për t’u kujtuar se kanë premtuar 300 mijë vende të reja pune, se kanë premtuar heqjen e taksës për biznesin e vogël, se kanë premtuar shëndetësi falas për çdo shqiptar. Opozita shqiptare nuk mund të mjaftohet vetëm me kaq, në kushtet e kësaj mazhorance. Ne duhet të jemi gati sot, t’u paraqesim shqiptarëve platformën tonë, se ne jemi dhe mbetemi e vetmja shpresë e Shqipërisë së zhvilluar evropiane.”

Re.Pu.