Brunilda Marku, Itali, i shkruan Ramës: A ka vend për mua në Shqipëri?

Brunilda Markut, shqiptare me banim në Itali, i është ringjallur një fije shpresë pas 23 qershorit. Kjo është arsyeja që i ka shkruar një letër Edi Ramës, kryeministrit të ardhshëm. Fillimisht i thotë se kush është:

“Quhem Brunilda Marku, jam me origjine nga Lezha e ka 17 vjet qe jetoj ne Ferrara (Itali), qytet ku kam studiuar per mjekesi e jam specializuar ne semundjet e aparatit te mushkerive (pneumologji). Aktualisht punoj si mjeke pneumologe prane spitalit te ketij qyteti, ku jetoj bashke me familjen time.”

Pastaj i tregon përvojën e vet në Shqipëri, kur tentoi të kthehej: “Ne vitin 2008 nisur nga nje thirrje e qeverise se atehershme per te mbledhur te gjithe studentet qe ishin diplomuar jashte shtetit, provova te kthehesha, por me beso asnjehere me shume se atehere nuk jam zhgenjyer aq shume: biseda qe beheshin vetem lokaleve, CV qe hidheshin ne kosh pa i hedhur asnje sy e kerkim parash per nje vend pune, kur une nuk kisha nevoje sepse kisha nje pune ne Itali...

Nuk lashë derë pa trokitur por asnje nuk u hap. Ne fund te fundit ishte nje fyerje per studimet e mia e per rezultatet qe me kaq mund kam arritur ne kete vend ku  edhe ti e di mjaft mire nuk eshte e lehte te ecesh perpara.”

Kërkon të dijë, nëse do të ketë vend në Shqipëri dhe për kategorinë e saj. Dhe Rama ia ka publikuar këtë letër, në facebook, tok me një përgjigje të tijën. Të dyja, dhe letrën dhe përgjigjen, mund t’i gjeni të plota në linkun: http://www.shqiptarja.com/home/1/rama-mjekes-shqiptare-ne-itali-kete-here-uroj-mos-zhgenjehesh-166717.html

Re.Pu.