“Autokrati është përsëri në opozitë! Po sikur të rikthehet?” shqetësohet Stefani

Andrea Stefani, në një shkrim të sotëm te Shqip shprehet i lumtur për përmbysjen e autokratit Berisha, për t’u brengosur menjëherë më pas nga opsioni i rikthimit të Berishës në pushtet.  

Sepse triumfi me votë kundër Berishës, “ka krijuar mundësi që ai të ruajë të gjithë strukturën politike dhe partiake. Dhe ende pa hyrë në zyrë kryeministri i ri, Berisha, Basha dhe Olldashi kanë nisur ta akuzojnë për korrupsion, arrogancë apo revansh politik. Pasi i ka përdhunuar për 8 vjet institucionet dhe administratën publike, autokrati në opozitë ka nisur të gërthasë në “mbrojtje” institucioneve. Ka nisur të rishfaqet grotesku i pas vitit ’97, kur Berisha, babai i korrupsionit në tranzicion, nisi të tundë flamurin e antikorrupsionit dhe që në emër të gjoja mbrojtjes së opozitës dhe liderit të saj nga revanshi politik i pushtetit, i ndali dorën drejtësisë për të ndëshkuar sipas ligjit krimet e pushtetit të tij.”

Stefani ka frikën se ky “teatër absurd” mund të rikthejë autokratizmit berishist (ose në një pushtet pa mbarim të së majtës). Ndaj ai jep dy alternativa:

“Partia Demokratike të reformohet rrënjësisht duke shpallur distancimin nga tradita autokratike e Berishës”, version ku PD e largon me votë “plakun”. Në pamundësi të kësaj, Stefani propozon organizimin e opozitës rreth “forcave të tjera të djathta, si për shembull FRD-ja, të afta të riorganizojnë, në fakt të themelojnë, të djathtën përreth idealeve të demokracisë liberale perëndimore”

I plotë:

http://gazeta-shqip.com/lajme/2013/07/11/tani-qe-autokrati-eshte-perseri-ne-opozite/