Dhomës së Tregëtisë i del gjumi: I kërkon qeverisë të shlyejë borxhet që u ka biznesmenëve

Kreu i Dhomës së Tregtisë dhe Industrisë, Nikolin Jaka, ka thënë sot, se “zoti Rama [duhet] të ulet paraprakisht, të hartojë një strategji të qartë për daljen nga kriza dhe sidomos në kontekstin e shërbimit ndaj biznesit të qartësojë afatet se kur do të shlyhen detyrimet që ka qeveria dhe buxheti i shtetit ndaj sipërmarrjes private”. Dhe ka dhënë një info: “Rritja është thelluar, mund të shkojë 220-225 milionë euro, [dhe ky është] një detyrim i cili parashikohet që mund të jetë ndaj sipërmarrjes për vepra publike dhe shërbime, pa futur shifrat e kompensimit tatim-fitim, TVSH apo taksa të tjera që qeveria është e detyruar të likuidojë ndaj biznesit”.

Ka reaguar pas kësaj Erjon Braçe. “E keni dëgjuar ndonjëherë Nikolin Jakën t’i thotë Sali Berishës ndryshe nga kryeministër? Tani i thotë kryeministrit të ri, thjesht Rama. Jo vetëm kaq. Por tani kërkon me tërsëllëm dhe paratë që Berisha ua mori borxh. Kurrë nuk e dëgjova një herë të vetme në takimet e Berishës të kërkonte paratë. Por, tani i ka ardhur goja dhe kërkon edhe afate për kthimin e parave. Dy vjet me radhë u kam kërkuar këtyre biznesmenëve të dhëna për paratë që qeveria e Sali Berishës iu kish pa paguar. Joooo, s’na ka borxh Berisha, thoshin. Ndërkohë, me paratë e tyre paguanin punët elektorale të Sali Berishës. Dhe tani u ka ardhur goja”

Kush ka të drejtë, Nikolini apo Erjoni?

Re.Pu.