Shënim: Vetëvendosje! Fole një fjalë kundër Enverit...

Në shtypin e Prishtinës po artikulohet mbi “enverizmin” e Vetëvendosjes. Kjo, bazuar mbi metodologjinë e partisë (dolën dhe rastet e armiqve të partisë http://www.gazetaexpress.com/?cid=1,13,116114) por dhe mbi ideologjinë e saj që dikush e përafron me ato komuniste. Teoritë konspirative shkuan deri atje sa të akuzohet Vetëvendosje se financon një nga sajtet për Enver Hoxhën (http://www.enver-hoxha.net/content/content_shqip/faqja_kryesore.htm). Sajti në vetvete është i papërditësuar, gjuha e shkrimit ka gabime ortografike që zakonisht i bëjnë kosovarët, dhe mbi të gjitha, në të bie në sy logoja e Vetëvendosje!s. Ky, absolutisht nuk është fakt që implikon financim. Por, meqë jetojmë në një rajon ku dyshimi më i vogël ngjall konspiracion, do të ishte një lehtësim për opinonin publik nëse Vetëvendosje! do të artikulohej qartë mbi këtë fakt, dhe sidomos mbi “enverizmin”. Nëse marksizmi josh ende me idetë, enverizmi nuk ka asgjë për të joshur përveçse brutalitetit pervers e çnjerëzor.

k.c.