Rama deputetëve të vet: Nuk do publikoj më urime nga miqtë ndërkombëtarë

Grupi parlamentar socialist është mbledhur për herë të parë pas 23 qershorit. Është thirrur nga Rama, i cili e ka shfrytëzuar edhe këtë rast për të përcjellë mesazhe jo konfliktuale (ka rënë në sy përpjekja e Ramës pas 23 qershorit për t’u dukur i përunjur; por kjo do të vihet re, e do të ketë rëndësi, pasi të marrë detyrën).

Rama, me ç’tha, ka hequr dorë nga publikimi i telegrameve dhe telefonatave përgëzuese që një politikani apo kryeministri i vijnë në mënyrë routine nga kolegë e homologë. “Kam marrë shumë urime nga miqtë ndërkombëtarë, por nuk kam publikuar asnjë urim, pasi më ka bezdisur gjithmonë ky fakt; zëra shumë autoritarë ma kanë përcjellë shumë qartë mesazhin se jemi shpresa e fundit e një gjenerate”, ka thënë ai.

Dhe kjo që tha ishte, në fakt, një mënyrë për t’i publikuar këto urime.

Re.Pu.