Bartoli fiton Wimbledon-in, dhe BBC-ja “e ndëshkon” me komente seksiste; por kërkon falje

Kampionia e Wimbledon-it për çupa këtë herë ish tenistja franceze, Marion Bartoli, dhe ndërsa ndeshja finale kish përfunduar, një nga gazetarët komentatorë më të mirë të BBC-së në të tilla evenimente, John Inverdale, bën një ndërhyrje të natyrës jo dhe aq sportive: “Nuk di pse mendoj se i ati i Bortoli-t, që ka qenë njeriu më i rëndësishëm i jetës së saj, duhet t’i ketë thënë kur ka qenë e vogël: nuk do të bëhesh kurrë e bukur, nuk do të bëhesh kurrë një Sharapova, e prandaj, për ta arritur suksesin, nuk të mbetet gjë tjetër, veçse të punosh kafshërisht e të bëhesh luftarake në fushë”.

Kaq u desh. BBC-ja, që mbahet dhe e mbajnë (me të drejtë) për korrektesë e elegancë, u ndodh përballë kritikave të forta. Vetë njerëzit e BBC-së nuk u vunë në pritje të kritikave, por kanë kërkuar ndjesë qartazi e menjëherë për këto komente maskiliste. Ndërsa Bartoli, kur i thanë se ç’ish thënë për të, u përpoq të mos e bënte të madhe. “Nuk kam ëndërruar kurë të bëhem një foto-modele; kam ëndërruar gjithë jetën të fitoj Wimbledon-in”, shkruajti ajo në profilin e vet në twitter.

Re.Pu.