Asnjë ngushëllim për selinë blu. Kukësi del barazim 2 me 2

Apostol Goci i LSI-së është konfirmuar si deputeti i dytë i të majtës në qarkun e Kukësit, pas një numërimi të rreptë që e nxirrte atë kokë më kokë me konkurrentin demokrat Alban Zeneli, i treti në listën e PD-së për qarkun. Kësisoj, vetëm Dibra dhe Kukësi mbeten qarqet ku PD dhe aleatët kanë performuar “më mirë” këto zgjedhje, duke arritur barazim në numrin e mandateve. Në dhjetë qarqet e tjera, harta elektorale ngjyroset në vjollcë, me një total prej 84 mandatesh për të majtën dhe 56 për të djathtën. Janë të pakta gjasat që të ndryshojë diçka, kur kanë mbetur edhe 685 kuti votimi pa numëruar. Votat e fundit pa dyshim do të kenë rol, por vetëm në ndarjen e mandateve brenda kampeve, kur sidomos tek e majta nuk kanë munguar edhe disa fërkime.

Re.Pu