PD nxjerr Bogdanin, që flet për “mundësi përmbysjeje”

Në daljen e tij përpara mediave, deputeti i PD-së Gerti Bogdani deklaroi para gjysmë ore se janë ende të gjitha mundësitë që Partia Demokratike ta përmbysë rezultatin. “Ne vazhdojmë që të besojmë se do të jemi fitues. Këtë e bazojmë në rezultatet e fundit, të cilat tregojnë se mund të përmbysin rezultatin”, tha Bogdani, i cili falenderoi komisionerët e numëruesit dhe hoqi një paralele me vitin 2009. Edhe katër vjet më parë, sipas tij, Edi Rama fillimisht besonte se do të fitonte, por pësoi humbje. Deklarata e Bogdanit nuk u shoqëruar me ndonjë ovacion simpatizantësh, ndërsa deputeti u tërhoq menjëherë nga foltorja. Nga njerëz pranë PD-së, i vetmi veç Bogdanit që shprehu besim tek një “come back” gjatë këtij numërimi, ishte analisti Frrok Çupi në ABC News. Por Çupi gjithsesi pranoi se “komunistët edhe mund të vijnë në pushtet me votë, por kjo do të ish fatkeqësi e madhe për vendin”.

Re.Pu