Berisha ofron versionin e tij mbi 21 janarin... dinamit mbi K/ministrinë!

Kryeministri ka gjetur të rinjtë e PPE-së për të shpjeguar se çfarë mendon për... 21 janarin! Kujtimet e tij janë pak ndryshe nga pjesa tjetër e popullsisë, sepse ai mban mend që vrasësi ishte Edi Rama dhe se mbi kryeministrinë qenka hedhur dinamit!!?

“Ne kemi një problem se kryetari aktual i pozitës i cili në vend që të mbështesë reformat e integrimit, bën cdo gjë për t’i bllokuar ato. Me 21 janar mendoj se mund të përmbyste pushtetin me dhunë, këto protestues dhe midis tyre dhe 200-300 persona të paguar të dhe të nxjerrë nga bota e krimit, me të cilët mendoi se do përmbyste me dhunë qeverinë, pregatiti një fjalim dhe mori një megafon me vete, u instalua në kullat për karshi, duke besuar se do mund të përshëndeste kryengritësit e tij, ata sulmuan në mënyrë agresive ndërtesën e Këshillit të Ministrave. Mbi policinë dhe gardën u hodhën mijëra tulla, gurë dhe dinamit. Natyrisht unë isha në zyrë. Ati mendoi se unë do largohesha nga zyra, por unë jam njeri i detyrës dhe nuk kisha motiv të largohesha pasi ai ishte ditë e zakonshme për mua dhe nuk kisha ndërmend të largohesha nga zyra. Pati 4 viktima, ishte përpjekje për të përmbysur një qeveri të zgjedhur me zgjedhjet ë lira. Por, dështoi. Një proces hetimor është në vijim, kërkova që drejtësia të thotë fjalën e vet për cdo aspekt të këtij kati të shëmtuar, ne po presim”, deklaroi Berisha.
k.c.