Prokuroria do apelojë vendimin për 21 janarin. (Llalla hezitoi dje, u desh takimi i sotëm me Arvizunë)

Në Shqipëri burime të Prokurorisë së Përgjithshme i thanë sot Zërit të Amerikës se do të bëhet ankim në gjykatën e Apelit ndaj vendimi të djeshëm të Gjykatës së Tiranës e cila shpalli dje  të pafajshëm komandantin e Gardës së Republikës Ndrea Prendi dhe përgjegjësin e njësisë speciale Agim Llupo të akuzuar për vrasjen e tre prej katër manifestuesve që u qëlluan me armë zjarri gjatë protestave të opozitës në 21 Janar të vitit 2011.

Shkruan faqja online e VOA: “Sot në mëngjes prokurori i Përgjithshëm Adriatik Llalla pati një takim me ambasadorin amerikan Alexander Arvizu i cili rikonfirmoi qëndrimin ndaj vendimit të djeshëm të gjykatës, e cila përmes një njoftimi e cilësoi sot deklaratën e ambasadës amerikane si një ndërhyrje në proces. Por sipas ambasadorit Arvizu akuza të tilla ishin të pabaza. Prokuroria shqiptare deklaroi dje se ajo do të priste zbardhjen e vendimit të Gjykatës së Tiranës për cështjen e 21 janarit, për të përcaktuar hapat e mëtejshëm që do të ndërmerrte.

Por sot burime nga Prokuroria e Përgjithshme, i thanë Zërit të Amerikës se vendimi që shpalli të pafajshëm dy drejtuesit e lartë të Gardës së Republikës, "do të cohej në Gjykatën e Apelit", pavarësisht motivacionit mbi të cilin u mbështet dje Gjykata. Më herët në zyrën e Prokurorit të Përgjithshëm ishte ambasadori amerikan në Tiranë Aleksandër Arvizu. A.N.

Lajmi i VOA:

http://www.zeriamerikes.com/content/janar-prokuroria-ankim-a...