Pse mos ua japim Ali Pashën grekërve?

Në një shkrim të vetin te TemA, Auron Tare bën një paralelizëm mes Greqisë e Shqipërisë në lidhje me trajtimin e trashëgimisë së Ali Pashë Tepelenës, për të cilin Kryeministri hodhi para ca kohësh një shashkë për tia sjellë dhe kokën në Tepelenë (që më pas nuk do ishte çudi t’ia hiqte Tepelenës e ta merrte për Tiranën). Ndërsa grekët që nuk e kanë dashur kurrë Aliun, ia kanë ruajtur kështjellën në mënyrën më të mirë të mundshme, shikoni përmes rrëfimit të Tares se çfarë i kanë bërë “të vetët” trashëgimisë së Pashait:

“Pamjen që më doli para syve nuk ka fotograf që mund ta japë realisht, megjithëse u mundova të kapja të paktën shtrimin e hyrjes së Portës kryesore të Kalasë. Pasi kishin gërmuar me ekskavator hyrjen e Portës së Vezirit, e kishin shtruar me çimento dhe gur me gunga sikur të ishte parking fshati. Firma që përdor taksat e shqiptarëve, të dhëna nga MKTRS, pasi kishte shqepur kalldrëmet origjinale, që çuditërisht i kishin rezistuar kohës, i kishin hedhur çimento të trashë dhe me një shpejtësi që vetëm firmat që vjedhin mund ta bëjnë e kishin mbyllur “restaurimin” alla MKTRS të këtij monumenti të rëndësishëm të trashëgimisë sonë.”

Dëshpërimin për sa po ndodh Tare e shpreh duke propozuar që ndoshta më mire që “Aliu i Tepelenës duhet t’u përkasë grekëve, të cilët edhe pse nuk e duan, prapëseprapë ia ruajnë kujtimin në mënyrë më të mirë duke u krenuar se Aliut dikur të shqiptarëve madhështia i ka mbetur vetëm në Greqi, ndërsa shqiptarëve turpi.”

k.c.

 i plotë:

http://www.gazetatema.net/web/2013/02/02/ali-pasha-i-greqise-dhe-jo-ali-pasha-i-tepelenes/