Arabia Saudite refuzon Ambasadorin e ri të propozuar nga Idrizi?

Në një ekskluzive, gazeta Dita raporton sot ambasadori i ri i emëruar në Arabinë Saudite për të zëvendësuar Admir Banajn është një ish-student në këtë shtet. Por, kandidatura e propozuar nga Shpëtim Idrizi thuhet që ka patur probleme me drejtësinë, dhe për këtë arsye është refuzuar nga qeveria e këtij vendi. Burimet brenda diplomacisë shqiptare kanë informuar këtë fakt që po tenton të fshihet nga ana e Ministrisë së Jashtme, për të mos cënuar reputacionin e propozuesit i cili mësohet se është pikërisht Z. Idrizi. Ministria e Jashtme është “domen” i LSI, por në vijim të marrëveshjes mes PDIU dhe PD për bashkëqeverisje, partia çame ka disa të drejta në emërime ambasadorësh, thuhet në gazetë. Ambasadori i shkarkuar Banaj vazhdon të mbetet në detyrë deri në ardhjen e një kandidature tjetër.

k.c.