Ministri Ruli kundër Ansar, dhe një parashikim i gazetarit Baze

Ka qenë Ministri Genc Ruli që ka dalë dje me një deklaratë për mediat për të treguar që projekti i Ansar u hodh poshtë si i paleverdisshëm dhe aspak në dobi të shtetit shqiptar. Dalja e tij vjen vetëm pak ditë pas një editoriali të Tema-s të titulluar “Fenomeni ‘Argita’, padroni i ri i PD-së”, ku Mero Baze, parashikon (nisur nga deklaratat e Selami Xhepës në lidhje me rastin 'Ansar') se kush do që të ruajë vendin në PD duhet të rendë në ndihmë të skandaleve të asaj që e quan “Zonja 3 milionë”.

“Ky është një rast i artë dhe për të tjerë që nuk i kanë punët mirë në PD, por dhe ata që i kanë mirë. Padroni i ri po shfaqet në horizont. Argita është “heroina e re” e re e PD-së. Mbrojtja e saj është investim politik për karrierë brenda PD-së. Ata që po ngurojnë, gabohen. Nuk ka për t’ua falur, sidomos tani që po sillet dhe si kryetare e PD-së duke bërë deklarata dhe në emër të saj”, shkruan Baze.

z. Ruli, ish Ministër i METE-s, është prononcuar me një deklaratë kundër biznesmenit Ansar, duke thënë se projekti u refuzua se kushtet e Ansar “e bënin këtë propozim të tijin ndër më të paleverdishsmit dhe më të papranueshmit që kanë mbërritur në adresën tonë. Çdo arsye tjetër e servirur këto kohë është thjeshtë spekulim i qëllimshëm dhe dashakeq”.

A thua kjo të jetë një verifikim në praktikë i parashikimit të Bazes?  

k.c.