Rama i rikthehet temës së tij të dashur të muajve të fundit – biznesit të vogël

Qysh kur deklaroi se, kur të bëhet kryeministër, do të realizojë heqjen e taksës së biznesit të vogël, Edi Rama ka vizituar rregullisht biznese të vogla në zonat urbane e rurale. Sot ai iu rikthye kësaj teme, me një vizitë në Laprakë, ku ka degjuar nga afer shqetesimet e biznesit te vogel dhe familjeve qe sipas tij jane ne lufte te perditshme per mbijetese.

Ne profilin e tij ne Twitter, Rama ka shkruar se borxhet ne kete zone po nxijne jeten e shumices derrmuese.

“Ka vetem nje pergjigje te qarte per te ndalur rrenimin e metejshem: Nje vote per nje Rilindje Shqiptare. Rilindje per te mos u mbytur nga litari i borxheve lidhur keq ne fytin familjeve te vetepunesuara me biznes te vogel…”- shkruan Rama.

Sipas tij, duhet rilindje per te hequr taksen e biznesit te vogel dhe nxitur vetepunesimin kunder varferise e papunesise dhe Rilindje per te zhbere bandat e xhandarmerise tatimore qe po shkaterrojne me gjoba abuzive cdo shites e biznes.

Rreth 70 mijë biznese te vogla janë aktive në Shqipëri aktualisht. Jetesa e rreth 280 mijë shqiptarëve varet nga ecuria e biznesit. Po sa prej tyre do t’ia japin votën PS-së, falë premtimeve të Ramës në këto vizita? Të shohim…
E.Zaloshnja