Ngjela shpërthen kundër Berishës: Hajvan, monstër, rrangallë, i sëmurë, kufomë

Spartak Ngjelën e kanë intervistuar në A1 Report, dhe si argument bisede fillimisht ka qenë ajo që nga Berisha është cilësuar si “darka e gabuar” (është fjala për darkën e datëlindjes së Preç Zogajt, të cilën kryeministri e ka cilësuar si përpjekje për puç në një fjalim që u ka mbajtur deputetëve të vet). Ngjela ka hezituar të hyjë në një diskutim të tillë (“nuk duhen marrë seriozisht të marrët”, i është përgjigjur ai pyetjeve që kanë synuar ta bëjnë atë të thotë të vetën mbi darkën), por më pas nuk i ka rezistuar tundimit. Nuk është se ka hedhur poshtë versionin kryeministror, por nuk ka lënë gjë pa thënë kundër tij.

“Ai është kufomë, dhe me një kufomë nuk ka kuptim të merremi”, i ka thënë ai gazetares, teksa kjo e fundit ka këmbëngulur për herë të tretë me pyetjen e saj. Dhe më pas, ka shpërthyer: “Më falni, zonjushë! Keni parë ndonjëherë monstër si ky hajvan? Ky është rrangallë.”

Re.Pu.